LAYİHƏ

“Best of STEM Education: Social Impact” beynəlxalq mükafatına layiq görülmüş layihə!

2019-2020-ci tədris ili üçün layihənin məqsədi: STEM təlim texnologiyasının yeni təhsil proqramına inteqrasiya edilməsi, respublikanın təhsilverən və təhsilalanlarında 21-ci əsr bacarıqlarının formalaşdırılmasının əhəmiyyyəti istiqamətində maarifləndirməklə, onlar müxtəlif STEM məzmunlu fəaliyyətlərə cəlbetməkdir.

2018-2019-cu tədris ili üçün layihənin məqsədi:  STEM təlim texnologiyasının yeni təhsil proqramına inteqrasiya edilməsi, təhsilalanlarda 21-ci əsr bacarıqlarının formalaşdırılmasının əhəmiyyyəti istiqamətində maarifləndirməklə, özündə müxtəlif STEM məzmunlu panellər birləşdirən müəllim konfransının təşkil edilməsidir.

Layihənin vəzifələri olaraq aşağıdakılar müəyyənləşdirilmişdir:

1. Konfransın rəsmi saytının fəaliyyəti və facebook sosial səhifəsinin məzmuna uyğun yenilənməsi və  aktivliyini təmin etmək;
2. Layihənin rəsmi sayt və sosial səhifələrdən PR-nı təmin etmək,  Sumqayıt TŞ-də təqdimatını etmək;
3. Layihə ərzində ən azı 2 dəfə respublika üzrə seçilmiş müəllim və şagirdləri üçün STEM qurğuları və robotiks avadanlıqları ilə workshopların təşkil edilməsi;
4. Adı çəkilən müəllim konfransının elan edilməsi və respublika üzrə materialların qəbulu, konfrans proqramının təsdiq olunması.
5.  Respublika müəllimlərinin iştirakı ilə innovativ STEM məzmunlu workshop və məruzələrdən ibarət konfransın təşkil edilməsi;
6. Konfrans materiallarının nəşri, paylanılması;
7. STEM müəllimi onlayn kursunun müdavimi olmuş ölkə müəllimlərinin peşəkarlığının artırılmasına və əməkdaşlıqlarının davam etdirilməsinə nail olmaq, ana dilimizdə olan ilk STEM məzmunlu nəşrin çapının reallaşdırmaq;
8. Layihənin KİV-də işıqlandırılması.

       

2017-2018-ci tədris ili yekunlaşmaq üzrədir. Əminik ki,  respublikamızın aktiv və qabaqcıl müəllimləri (o cümlədən STEM kursu müdavimi olan müəllimlər də) artıq qarşıdan gələn yay məzunuyyəti periodunu səmərəli   keçirməyi, pedaqoji inkişaf məqsədilə təlim və seminarlara  qatılmağı planlaşdırmaqdadırlar. İnanırıq ki, 2-ci qrant layihəsi çərçivəsində həyata keçiriləcək, özündə  innovativ məzmunlu seminar və workshopları birləşdirəcək konfrans, respublikamızın müəllimləri üçün faydalı olacaq və onların sevincinə səbəb olacaqdır. 

2017-ci ilin aprel ayından icrasına başlanan STEM Azərbaycanda layihəsinin qısa təqdimatı