"Hərbi STEAM Mühəndisləri" layihəsinin məktəbli mühəndisləri

 Təhsildə İnkişaf və İnnovasiyalar üzrə 5-ci qrant müsabiqəsinin qalib layihələrindən olan 

 "Hərbi STEAM Mühəndisləri" layihəsi icra planına uyğun olaraq davam etdirilir. Layihə çərçivəsində təşkil edilmiş növbəti təlimlərdən görüntüləri təqdim edirik. Şagirdlər layihə məzmununa uyğun olaraq tank hissələrinin quruluşunu müzakirə edirlər, 3D dizayn üçün ehtiyac olan fiqurları, dizayn əməllərini dəqiqləşdirdilər və müxtəlif tank modelləri dizayn etməyə başladılar. Layihənin təlimçisi STEAM mütəxəssisi Aliyə Əhmədovadır. Layihə rəhbəri Bakı şəhəri 240 saylı tam orta məktəbin  müəllimi  Gülşən Hacıyevanın bildirdiyinə görə layihənin məqsədi 7-8-ci sinif şagirdlərini  hərbi  STEAM dərnəklərinə cəlb etməklə, onlarda müdafiə sənayesi mühəndisliyi istiqamətində öyrənmə, həyati və dizayn düşüncəsi bacarıqlarını formaşdırmaq, ölkəmizin sosial-iqtisadi və müdafiə sahələrində peşəkarlar hazırlığına tövhə verməkdir. Qeyd edək ki, Təhsildə İnkişaf və İnnovasiyalar üzrə qrant müsabiqəsinin məqsədi təhsildə innovasiyaları və sağlam rəqabəti dəstəkləməkdir.